360 ROMA 14,15
beyuffarmyan Yesus rarirya, sifrur sneprei Allah, ma sisma syowi ro snonkaku besesya.
'y Rarirya komarisen kokenem ro babeoser ma kofarkoryaye ko. z° Ma snar robean, nafnai fa naek kwakok awer, rosai Allah ifrur kwar na. Robean nakam nasren fa nebeyan; bape rosai wan fa befnai snonkaku bese fa sisapi ro sasar, rarirya naek swasar. 2' Ibye syadi wan awer manfnai roba winem awer anggur roba wafrur rosai wer, rofyor nafrur fa naek oso bena kakyar oser byesasar. zz Mboi rosai naek wakyarya, wafruri ro Allah barpon byedi monda faro mankundaw bardi. Snonkaku bebabir knam osoba fa byesasar faro roi skara bekaku, snon ani isma aski. z' Bape snonkaku bekara ma bebe birbar beyan roi oso, bape barpurya dan robeyan ani, Allah byuk sasar faroi; snar snon ani ifrur mnis kakyar byedi faro Allahba. Ma rosairya wer ifrur kuker kakyarba, irya syasar.
Snonkaku besambrab ma besambrab ba I5:1-13
Besma kakyar besambrab koya faro Allah, nari kokbabser 15 sano-sano ro snonkaku kakyar besambrab basya. Ma kofrur marisen mankunko bardi awer. ' Inja kono oser-oser ifrur marisen naek srar kobesi faro babye sena, insa kakyar sena faro Allah nsambrab syadi wer. ' Snar Kristus kako kyara raryab faro mankundi bardiba. Ro Refoya sfas radine, "Anonef bebor ssbuk faro mko nkur aya kwar." 4 Fas-fas ro Refoya kam insa nfarkor ko. Snar farkarkor kosma ro Refoya nafrur fa kodworen ma kosambrab isof kokyar faro Allah. s Ibyekada Allah, byuk babekabab ma sneprei faro snonkaku befnobek naek srar mko, insa mkokenem kuker babesne oser, ma mkoso nyan ro Yesus Kristus. 6 Kuker sne oser, mko kam mkosandik Allah Kma ro Manseren kobedi Yesus Kristus.
' Inja ibye naek srar mkobesyowiyae mko kuker marisen, imnis raris Kristus kako dakna mko fa mkosandik Allah. s Inja mkoswarepen, mboi Kristus duffarmyan kawasa Yahudi kwar fa fyasna mboi nari Allah ifrurmnis asas-asas byena faro up kobesi. y Yesus ifrur faro er-er bese kako fa sisandik Allah, snar saswar byedi farosi. Snar sfas ro Refo radine,
"Snar rarirya nari yasandik au rofandu er-ersya, ma nari yadisen sandik snonsnon bedi."
1° Snar sfas radine wer,
"Mkoryab fnobek Allah kawasa kyinfirsya, ne, er-er kam!"
" Ma ine wer kako,
"Mkosandik Allah, ne, er-er kam,
ibyekada snonkaku kam mkosandiki!" 'z Ma Yesaya ikofen kako radine,
"Ro Isai kpu byesi nari snon oso isasyar ma nari byuk sasoser faro er-er kam; ma er-er kam nari sikyar faroi."
'3 Allah knam ro naek srar kakyar mkobena. Rarirya ifrur fa naek srar mkosma marisen beba ma aski, snar mkokyar faroi, insa kuker Allah Rur papoik b_yedi, naek srar mkokyar syadi wer faro Allah.
Paulus fyasna badir roi bebe knam ro fasfas byena 15:14-21
'° Naek srar ayesi! Yafawi mboi roi bebye nabor kaku naisya ro mko. Naek srar mko kako mkofawi nakam, ma mkobukna nfarkoryae mko. 's Bape yamarisen yabuk swarepen ro roi ono faro mko kaker ro syap ine; snar Allah byuk kwar maro aya fararur ine. '6 Allah byuk kwar fa yabe manfamyan ro Yesus Kristus, ma iwan aya faro er-er bese bebe Yahudibasya, ma yafararur imnis imam, bebaryas Ankankinem Bebye ro Allah, insa kawasa bebe Yahudibasya simnis farsarser oso faro Allah ma Allah nyasi. Ibyekada Allah Rur byedi ifrur fa sbefarsarser oso faro Allah. '' Inja, snar yabe oser kwar kuker Yesus Kristus, inja yamsik kuker fararur ayedi faro Allah. 's Yamsik bo yawos rarirya ro rosai Yesus ifrur kuker aya kwar fa yafararur faro kawasa bebe Yahudibasya, insa sbeyuser Allah. Yafrur rarirya kuker wos ma fararur, 19 ma kuker abyair-abyair kanandor; nakam ndarirya snar papoik ro Allah Rur byedi. Ankankinem Bebye ro Kristus yabaryas nakam faro snonkaku, randak ro Yerusalem isof ro Ilirikum. '° Marisen ayedi isoine yabaryas Ankankinem Bebye ro Allah ro mob kawasa sakmnaf Kristus baim. Snar yamewer yabawes fararur ro snon bese araref senandi. 2' Snar sfas ro Refo radine,
"Snonkaku beyaksma bararyas ro i baim, nari smam; ma snonkaku beyakmnaf baim, nari sifawi."
Subscribe to:
Post Comments (Atom)
No comments:
Post a Comment