358 ROMA 13,14
ani. ' Inja bak faro besasoserya, rosai nari bak faroi. Bak som, rofyor sor som ro naek srar mko, ma mkomkak faro mansei fandun fa mkobak farosya; ma mkobesyowi faro mansei besma syowisya.
Fararur koswar yae ko 13:8-14
s Mkobenyaki awer roi oso faro manseirya kako, bape ibyekada mkoswaryae mko. Snar snonkaku beswar min snonkaku bese, ikada ifrur mnis Allah sasoser byena, Moses byuk kwar na. 9 Snar sasoser agama Yahudi, isoine: Wafrur farbuk awer; mamun awer; kwaraw awer; warmomen oso bese nana byena awer; nakam nafnobek sasoser bese, nanekam ne sasoser oser monda, isoine, "Waswar min snonkaku bese, imnis waswar mankundaw." '° Snonkaku beswar faro snonkaku besesya, nari sifrur barbor faro snonkaku ansiba. Inja snonkaku beswar min sesya sikda sifrur mnis sasoser agamaya kwar.
" Roibese ro nanekam mkofawi mboi rofafisu ine, fafisu faro naek srar mko fa mkokbok ro anenef. Snar fafisu faro kosma askiya fyanam syadibe ko kwar rofafisu randak kokyarya. 'z Robya fyanam isyonde kwar; ma kniko monda meser. Inja, ibye komnai ro fararur bepampan. Mboi kofasos mankunko kuker romamun isnaya. '3Ibye kofrur roi bebor bebeawnos, imnis raris roi kofrur ro isnaya; ma kofrur munara beba syadi awer, isof komser. Robaido kofrur farbuk awer, roba rari bebeawnosba awer. Komamun awer, roba kardu masasor awer. '4Ibye Manseren Yesus Kristus i befasna rosai naek srar mkobe mkofrur na. Ma mkoso awer rari snonkaku besasar fa mkoso rmomen mkobena awer.
Buk sasar faro naek srar besi awer 14:1-12
,/ Snonkaku kakyar bedworenbasya mkonasi kuker babye rofandu naek srar. Mkorakrakrok awer kukersi snar swaruser sena. z Snonkaku ono skara sima san famfnom monda. Bape snonkaku ono bese kakyar sena nadworenba; inja skara sima san wei monda. 3 Snonkaku beyan famfnom, skoryaye awer snonkaku beyakan famfnombasya; ma snonkaku beyan famfnombasya, skoryaye awer snonkaku beyan famfnomsya, snar Allah nyasikam kwar. ° Manseiso naek srar isof mkobe mkobemankara snonkaku besesya manfamyan sesi? Manfamyan ani isapi roba dores afuf,
ikada tuan byedi nari bekara faroi. Ma manfamyan ani nari dores afuf, snar Manseren iso bepok bebawesi fa dores afufya. S Snonkaku ono skara ras ono nefandun syadi ro ras besena, bape snonkaku ono bese wer skara rasras anna namniskam monda. Ibye snonkaku oser-oser kyara raris mankundi kakara byena. 6 Snonkaku bekara ras ono nbefandun syadi, snonkaku ansi skara rarirya faro sikbesyowi Manseren. Snonkaku beyan famfnom ansya, sifrur rarirya fa sikbesyowi Manseren, ma sikofen kasumasa faro Allah snar robean anna. Rarirya kako faro snonkaku beyan famfnomba ansi; snonkaku ansi kako sbesyowi Manseren ma sikofen kasumasa faro Allah. 7 Snonkaku oso baberi ro ko, ikenem faro mankundi; ma snonkaku oso baberi ro ko bemar faro mankundi. 8 Rofyor kokenem, kokenem faro Manseren, ma rofyor komar, komar kako faro Manseren. Inja, kankenem roba marmarya, Manseren iso benakonya. 9 Kristus imar kwar ma ikenem kaber wer. Ebedari bye Manseren faro snonkaku
bekenemsya ma faro snonkaku bemar kwarsya kako. '° Inja, naek srar! Rosai ebedari mkobuk sasar faro naek srar mkobesi bena kakyar oser? Ma rosai ebedari naek srar mkorun naek srar mkobesi? Kokam nari kosma mankara ro barpon Allah. " Snar sfas ro Refo radine,
"Manseren ikofen, kaku beri,
snonkaku oser-oser nari byansuba ro barpon ayedi; ma snonkaku oser-oser nari kyarem mboi Allah risaya."
'z Inja kokam oser-oser nari kyarem fararur bebor byena faro Allah.
Wafrur fa naek bedi ibor awer 14:13-23
'3 Snar rarirya kobuk sasaryaye awer. Mboi naek srar kobesewar insa kofrur awer roi oso, befrur fa naek bena kakyar
oser isma fafrowes ma isapi ro sasar. '4 Snar yabeoser kuker Manseren Yesus, inja yakyar kaku roi osobaberi fa ifrur ayin; bape roi ani ifrur ayin faro snonkaku oser-oser rofyor kyara ibe roi befrur ayin. 'S Bape rofyor naek wan roi oso befrur fa naek bena kakyar oser imsor, rarirya wakenem kuker saswar werba. Rofyor Yesus imar kwar snar snonkaku oso, mam monda bo imar awer snar roi wan na. 'b Inja mam monda awer roi bebye faro aw, bape snonkaku bese skara nabe roi bebyeba. 17 Snar ro Allah babesasoser byedi, rosai snonkakusya san ma sinem, naiso bebefandun wer naba. Mboi roi bebefandun kakuya isoine, snonkakusya siso user Allah marisen byedi, fa sisma aski ma marisen beba Allah Rur byedi byuk farosi kwarya. 18 Snonkaku
Subscribe to:
Post Comments (Atom)
No comments:
Post a Comment