356 ROMA 11, 12
ma Allah i benananya. Sanandik faro Allah sof fyoro-fyoro ! Amin.
Kankenem faro Allah 12:1-21
Naek srar! Allah babye byedi ibakaku mabeko. Ebedari yor kaku beri insa naek srar mkobuk mankunmkobe farsarser bekenem oso bardi faro Allah befrur sneprei Allah kada.
Ikada babeari bekakuya. z Mkoso awer nyan famfnom ro supswan ine. Naek buk mankundaw fa Allah ifrur fa babo wer, insa bebesadwer. Rarirya naek wafawi Allah marisen byena - isoine rosai bebye ma befrur sneprei Allah ma bemnis.
3 Allah byuk fakamaman byedi kwar mabe aya. Ebedari yanun naek srar mkokam: Mkobabir mankunmko mkokaki syadi awer ro roi bekakuna. Ibye syadi naek kwara ma rwun mankundaw; oser-oser kyara mankundi, imnis raris Allah kakyar byuk faroiya. Baken kobena nna kina nabor. Kina oser-oser fararur byedi
isya bardi. 5 Rarirya kuker ko kako, kobor rariso wer, bape kobe baken oser snar kobe oser kuker Kristus. Ma kobe oser kuker besesya, raris kina ro baken oser. 6 Ko oser-oser nya fakamaman besisye. Fakamaman anna Allah byuk na mabeko raris saswar byedi. Rarirya kona fakamaman anna. Snonkaku bena fakamaman fa bebaryas Allah wos byena, snonkaku ani byardi bararyas ro Allah raris kakyar ismaya. ' Snonkaku bena fakamaman fa befnobek snonkaku bese, snonkaku ani ifnobek kaku beri snonkaku bese kuker kaku. Snonkaku bena fakamaman fa bebuk farkarkor, ibyekada byuk farkarkor kuker kaku. Snonkaku bena fakamaman fa bebuk wos raryab faro snonkaku bese, kaku beri snonkaku ani byuk wos raryab faro snonkaku bese. Snonkaku bena fakamaman fa bebuk faro snonkaku bese rosai nyana, snonkaku ani ifrur fararur ani kuker snemura kuker napnapes. Snonkaku bena fakamaman fa byemanfarkin, kaku beri snonkaku ani byemanfarkin bekaku ma bemyaren kada. Snonkaku bena fakamaman fa befasna saswar faro snonkaku bese, snonkaku ani ifrur fararur ani kuker marisen.
9 Mkosaswar kuker sne benapes. Mkayin roi bebarbor na,
ma mkoserepen mko ro roi bebye. '° Ibye syadi naek srar mkoswar yae mko oser be oser imnis manbekanaek ro kina oser, ma ibyekada oser-oser iwarpon min byedi ro babearooya. " Mkofararur kuker mayaryaren. Mkopapum awer, Mkofararur faro Manseren kuker raryab ro Allah Rur byedi. 'z Naek srar mkokyar faro Manseren kuker raryab, ma mkokbab ro babekandera, ma mkofarmku ro nadiya. '3 Mkofnobek mnis babefandun ro snonkaku bekyar faro Allah ma mkorepen si kuker sne bemarisen ro rum mkobena.
Mkor faro Allah insa byebok snonkaku bebarbor faro mkonsya. Mboi, mkor fa Allah byeboksi, ma mkofras awersi. 's Mkoryab fnobek snonkaku beryabsya, ma mkokanes fnobek snonkaku bekanes. '6 Mkokenem kuker babeoser rofandu mko. Mkokara awer roi bekakibur fawawi mkobena, bape mkorun mankun mko faro roi bekur kankenem ras-ras. Mboi mkokara mkofawi syadi awer!
" Rofyor ono sifrur sasar faro naek srar mkoido, mkomunsu awer na kuker barbor. Mboi mkofrur rosai snonkakusyakam skara bebyena. 'a Ro bar mkobedi, mkosewar fa mkokenem kuker aski faro snonkakusya kam. '9 Naek srar yesi! Mkomunsu awer swarapepen mkadu, snar Allah nari bebuk samamyaiya. Snar ro Refo sfas radine, "Ayaiso nari bemunsuya. Ayaiso nari bebuk samamyaiya, ine Manseren wos byedi." 2° Ibyekada fan mbrob besi rofyor sibiser; ma buk aninem farosi, rofyor simbrow. Snar wafrur rarirya, irya wafrur mamyaisi. z' Mkomam monda bo barborya kyafyo awer mko, mboi ibyekada naek srar mkokafyo barborya kuker babyeya.
Babeuser faro Babesasoserya 13:1-7
Snonkaku oser-oser nari byeyuser faro besasosersya, snar besasoser oso isma papoik ro Allah. Ma besasosersya ro baboine, Allah i bebukna. Ebedari snonkaku besampampum
besasosersya, imnis isampum rosai Allah byuk kwar na. Ma manseiso befrur rarirya nari isma samamyai, 3 Snar snonkaku befrur roi bebye simkak besasosersyaba. Mboi snonkaku befrur roi bebarbor sikada simkak. Rofyor naek srar mkokara insa mkomkak awer besasosersya, naek srar mkofrur roi bebye, rarirya nari naek srar mkosma sanandik. Snar besasoserya Allah manfamyan byedirya befararur faro naek srar mko fa mkosma babye. Bape rofyor naek srar mkofrur barborido nari mkomkak faroi, mboi isma papoik fa byuk samamyai faro snonkaku waworek mondaba. Ikada Allah manfamyan byedirya fa byuk samamyai faro snonkaku befrur barborsya. 5 Ebedari naek srar mkobeyuser faro besasoserya - snar mkomewer mkosma samamyai mondaba, bape snar kakara mkabena kako.
I bebeknam kako fa snaro naek srar mkobak som, snar besasoser Allah manfamyan byedirya insa ifrur bardi fararur
Subscribe to:
Post Comments (Atom)
No comments:
Post a Comment