Wos Refo: Markus 4,5

96 MARKUS 4, 5
MARKUS 5 97
Yesus myunwarek wam doberya ro danosen fa ibrin 4:35-41

3s Ro ras anya mun mandira ya Yesus ikofen be si bo dobe: "Mkorama kokabor be bar iwara."
36 Skobur kawasa bebor ansya bo skokabor ma wai bese kako nakso Yesus. 37 Fyoro ba wam dober ma bak na nek ro waiya ra fanam imsar. 3$ Fafisu ya Yesus denef bo fyak noraya ro wai­ya urndi. Ma manfamyan byansya ssbani bo sikofen bo sobe: "Mankorari yo, au ma befandun ko ba bo na koro! "
39 Yesus ikbok ma myunwarek wam ya ma ikofen faro danosen ya: "Wamnai! Wa-brin!" Ma wam anya imnai beri bo danosen anya ibrin dam. 4° Raimnai ikofen faro si bo dobe: "Snaro mko mkak mankenem rarirya?"
°' Simkak kaku bo sawos yae ro mankun si: "Inja snon saisoi­ne, isof wam ma danosen ya kako nakso wos byena?"
Yesus iyaw rur bemabak besower snon Gerasa 5:1-20

C Ma skofyafer ro danosen ya bar iwara ro sup kawasa Gerasa sya sedi. z Yesus dado bur waiya rande beri, snon rur bema­bak sisower oso rya ker kubir na muma fa isrou Yesus. 3 Snon anya ikenem ro kubir anna snar snonkaku yo syambrab fa iyabek i ba, snar siyabek i kwar kuker wanka, apyaur fama pyauk ma imerdawdiwer na, isof snonkaku yo syambrab fa fyadurui ba. 5 Ras rob imbran byediwai ro kubir ma urek na bo boi fyararar ma ikob mankundi kuker karui.
6 Yesus byinkwan kaker besya bo myam raroi, inja ifrar fa isroui ma byan suba faro Yesus,' ma dar naba bo dobe: "Nyaki rosai bekur au ma aya, ne Yesus Manfun Allah bekaki syadi? Kuker snonsnon Allah Wafrur susa awer aya!" 8 Snar rofyor Ye­sus ikofen kwar faro i bo dobe: "Ne, au rur bemabak, wasasyar bur snon ine!"
9 Raimnai ifuken snon ani: "Snombri so?" Kyarem bo dobe: "Snonsnon ayeja isoine syaran-syaran snar inkobore." '° Snon rur bemabak sya ssour anya dor samsom insa Yesus iyaw awer rur bemabak ansya bur sup ani.
" Ro diya randip nai yo simbran ssewar nanan ro urek fuwar oso, '2 inja rur bemabak ansya ssor faro Yesus bo sobe: "Wawan inko fa inkosun ro randip siwa!" '3 Yesus byuk raris fararyor seja ma rur bemabak ansya sisasyar bur snon anya fa ssun ro
randip ansi. Randip nai anya soper ro fofen ya ma simsar kam ro danosen ya ma simar: barbor seja fanam syaran risuru.
14 Raimnai bewaren warek randip ansya sifrar be mnu beba ma mnu-mnu mawa fa sbaryas inja kawasa ansi sisasyar fa sakmam rosai bebe jadi kwar ya. 'S Srama faro Yesus ma smam snon rur bemabak sya ssour anya kyain, syansun i ma iknon dam, bape simkak. '6 Snonkaku bemam roi bebe jadi anna sfarfyar faro berama babo ansya rosai bebe jadi kuker snon rur bemabak sya ssower anya ma randip ansi. " Simnaf rarirya sor faro Yesus insa ibur sup sedi.
's Rofyor Yesus dek wer ro waiya snon insanja rur bemabak ssour anya dor faro Yesus insa imarisen ido iso I.
'9 Yesus iso marisen byedi baboi ikofen faro i bo dobe: "Wabur be rum bedi ma kawasa bero mnu bedi ma baryas faro si roi be­bor Manseren Allah ifrur kwar faro au ma rariso Allah fyasna saswar byedi faro au."
z° Snon anya ibur ma fyawar ro sup Dekapolis roi bebor Yesus
ifrur kwar faro i ma si kam sikandor.
Yesus byawes Yairus inai byedi ma byuk pararei faro bin beduf rik oso 5:21-43

z' Yesus skokaber ker Gerasa skofyafer ro Kapernaum wer ka­wasa sibor srama sisrou i. Isya kaker ro danosen andir ya. '-z Mananir rum nadi oso ryama, snonsnon byedi isoine Yairus. Fyor myam Yesus, byan suba ro barpon byedi, 23 ma dor faro i bo dobe: "Inai iyeja iduf marbak ma fyanam imar, rwama kada insa pan ro i fa iprei ma ikenem wer."
z' Inja Yesus iso snon ani. Kawasa donek befnak ba sakso i, ma sifyos epen Yesus.
zs Ro fandu kawasa ansya bin oso isya iduf dafduf rik taun samfur seser risuru kwar, zb rarwan nabor kwar ifrauk dokter si­bor fa ssbuk aryawin ro dafduf byedi isof nana byena nabro fama iprei ba boi dafduf anya iba syadi wer ro randak ya. 2' Imnaf abar kwar ro naek byesi ro Yesus fararur byena inja ro fandu kawasa bebor ansya ryama fyanam Yesus kruri ma pyan ro san­sun syatu Yesus byena, 21 snar kyara bo dobe: "Rofyor yapan monda ro sansun byena nari yaprei."
29 Fafisu ya beri dafduf byeja imnai ma byabir baken byeja iprei kwar. 3° Ro fafisu ya beri Yesus byabir samambrab ono nasasyar bur i, inja isiber fa myam sewar ro fandu kawasa ansya ma ifuken: "Mansei bepan ro sansun syatu ayena?"