KARKARA ROMA BYAK

Blog ine yafur i ro rasine, ras Kamis, ras bebe samfur di suru seser oser ro paik Januari sahun Syaran ri suru seser ri samfur. Yafur blog ine insamaido ipyan fa yabuki fyas o karkara yena ro wos Byak. Woso awin kamam ma kpu yesya sawos ro ras bepon nayafa isof ro babo kir ine.

Baboine roma Byak koine farkarkor ma babe nasan kobena nafur fa indokada kobefndero fawawi sinan kobe bero ras bepon naiwara sbuki wareko sup saswar kobedya sup Byaki ma sup Papua besiper.

Rarirya yor fa mansei ma binsei bewasya blog ine ausya wasmai karkara orobaido anggangginem ibe wakofnbadir ido fas na muma bo na kobe i fa isasyar ro syap oser bero blog ine.

Irya monda swaruser kermgun beberandako blog roma Byak bebabo ine.

Tabea ma jou suba.