Wos Refo: Matius 22,23

MATIUS 22, 23

Sasoser beba syadi 22:34-40
34 Fafisu snon Farisi sya simnaf, Yesus isisen wark snon Sadu­ki sya sisbasna, inja siryur 35 ma oso ro si, isoine snon befawi nananem Refo Yahudi, ifuken sas Yesus: 36 "Ne, Guru, sasoser rosaiso beba syadi ro sasoser Refo Yahudi?"
37 Yesus kyarem faroi: "Waswar Manseren, Allah bedi, kuker snembri besiper ma kuker rur bedi besiper ma kuker karkara bena besiper. 38 Ine sasoser bepon ma beba syadi. 39 Ma sasoser bebe­suru bemnis kuker sasoser bepon ani iso ine: Waswar min besi imnis waswar mankundaw. 40 Sasoser ansuine suiso bebeknam sasoser nakam ro Refo Yahudi ma syap nabi-nabi."


Yesus ma Daud sunayae su rariso 22:41-46
41 Fafisu snon Farisi ono sisya siryur, Yesus ifuken faro si, dobo: 42 "Rariso karkara mkobena ro Wairek? Mansei rumkun byedi rya?"
Sikofen faro I: "Daud rumkun byedi rya."
43 Yesus ikofen faro si: "Rofyor rarirya ido, snaro Daud iko­fen kuker sbayoi Rur ya ma dap ibe Manseren byedi, ro fafisu ikofen:
44 Manseren ikofen kwar faro Manseren yedi: kwainkada ro bar raku Yedi,
isof Yarir mbrob besi fa waref epen si.
45 Inja rofyor Daud dapibe Manseren byedi, rariso dapi be rumkun byedi wer?"
46 Snonkaku osoba kyarem faro I, ma randak ro ras ani snon­kaku osoba beri bemku fa befakfuken roi ono faro I.


Yesus ibri befawi nananem Refo Yahudi ma Farisisya 23:1-36

Ma Yesus ikofen faro kawasa bebor ma faro manfamyan 23 byesya, dobo: 2 "Befawinananem Refo Yahudi ma snon Farisi skain kwar ro karapesa Moses. 3 Inja mkoso ma mkobeu­ser roi bebor sfarkor faro mko, boi mkoso awer fararur sena, snar sfarkor na bape sifrur naba. 4 Sfes kamnam bemarbak, raimnai srir na ro kawasa sya erdai sena, bape mankunsi bardi
sakbyunekro naba. 5 Fararur sifrur nakam, simarisen monda insa snonkaku smam na; imnis raris kabrai nadi bebam ma syatu sena pusyom bekwan na; 6 simarisen skain ro mob bekaki ro munara ma ro barpon rum nadi; 7 simarisen sisma syom ro pasar ma si­marisen sor sibe Rabi. 8 Bape mko kada, sap awer mkobe Rabi; snar mkosma Rabi oser monda ma mko kam mkobe mambeka­naek. 9 Ma mkap awer mansei ryakaker be kma ro supswan ine, snar Kma oser monda faro mko, isoine Allah ro boiyaswa. '° Sap awer mko kako bemanfarkin, snar Manfarkin oser monda faro mko, isoine Wairek. 11 Mansei beba syadi ro fandu mko, ibye wer duf farmyan mko. 12 Ma mansei bekanow mankundi, nari byebepandun ma mansei berun mankundi, nari byebekanow.
13 Mkoroe, ne, befawi nananem Refo Yahudi ma kawasa Fari­si, ne, kawasa bebarbor mko, snar mkosisen kedwai Babesasoser Boiyaswa ro barpon snonkaku. Snar mankun mko mkosun ba ma mko dadwarek bebesewar fa besun sya.
14 Mkoroe, ne, befawi nananem Refo Yahudi ma kawasa Fa­risi, ne, kawasa bebarbor mko, snar mkoren kabom-kabom sya rum sena ma mkosisen wark mamam snonkaku kuker nadi be­kwan mkobena. Inja nari mkosmai samamyai bemarbak syadi.]
15 Mkoroe, ne, befawi nananem Refo Yahudi ma kawasa Farisi, ne, kawasa bebarbor mko, snar mkokabor soren ma mko mbra­nuk sup, fa mkun snonkaku oser monda insa daksun ro agama mkobedi ma syun kwar, mkofrur ibe romawa for bembrerba, bebarbor syadi be suru ro mankun mko.
16 Mkoroe, ne, manfarkin bepraf, bekofen: Soar imnis raris Rum Ari Besren, soar ani dau roi oso ba; bape soar imnis raris brawen ro Rum Ari Besren, soar ani iyabek. 17 Ne, mko snonka­ku befawi royoba ma snonkaku bepraf, rosaiso bebefandun sya­di, brawen roba Rum Ari Besren befasren brawen ansi? 18 Soar imnis raris rokef farsarser, soar ani daw roi oso ba; bape soar imnis raris farsarser bero rokef ya, soar ani iyabek. 19 Ne, mko snonkaku bepraf, rosai bebefandun syadi, farsarser roba rokef farsarser befasren farsarser anna? 20 Inja mansei besowar imnis raris rokef farsarser syowar imnis raris rokef farsarser ma kako imnis raris roi bebor kam berir ro bori na. 21 Ma mansei besowar imnis raris Rum Ari Besren, syowar imnis raris Rum Ari Besren ma kako imnis raris i, bekain ro rum ani. 22 Ma mansei besowar imnis raris Boiyaswa, syowvar imnis raris karapesa Allah ma kako imnis raris I, bekain ro karapesa ani,
23 Mkoroe, ne, befawi nananem Refo Yahudi ma kawasa Fa­r isi, ne, kawasa bebarbor mko, snar rarwas bar bebesamfur ro marisan, acnpui ma konsap mkobak na, bape roi bebefandun